Պատրաստ եղեք երկար կռվի, հոգնել չկա, հիասթափվել չկա, պարտվել չկա, շարունակում ենք մնալ այստեղ ու վաղը պարալիզացնում ենք ամբողջ քաղաքը, այս իշխանությունը պետք է ծնկի գա:  Այս մասին այսօր՝  սեպտեմբերի 19-ին, Հանրապետության հրապարակում ինքնաբուխ ակցիայի ժամանակ իր ելույթում  ասել է Հայաքվե նախաձեռնության համակարգող Ավետիք Չալաբյանը:

«Այսօր օրհասական պահ է, մեր Արցախը կրակի տակ է, այս պահի դրությամբ 25-ից ավելի զոհ ունենք, 150 վիրավոր, 10 գյուղ թշնամին գրավել է  արդեն: Այսօրվան մենք հասել ենք, որովհետեւ հավատացել ենք այս խամաճիկին, որովհետեւ կառավարության համար մեկ շենքում նստած է եղել մի մարդ, որը մեզ բոլորիս խաբել է, 5 տարի մեր գլխի տակ փափուկ բարձ է դրե ասել է մեզ խաղաղություն ու բարգավաճում է բերելու, էսօր այդ սուտը պայթել է, եւ մեր քույրերն ու եղբայրներն Արցախում այսօր կրակի տակ են: Եւ մենք նրանց պաշտպանելու միայն մի ձեւ ունենք, այս երկրում փոխենք իշխանությունը, վերցնենք մեր ձեռքը զենքն ու կառավարումը պաշտպանենք Արցախը:

ՄԱԿ-ի ասամբլեայում այսօր ելույթ ունենալով Էրդողանը հայտարարել է, որ իրենց նպատակը Զանգեզուրի միջանցքն է, իրենք համարում են, որ Արցախն արդեն վերցրել են, հիմա Հայաստանի հերթն է: Եթե մենք այսօր չհավաքվենք այստեղ, մեջք մեջքի չտանք վաղը յուրաքանչւյուրս ենք հայտնվելու արցախցիների վիճակում»,- ասաց նա: