Հարյուրավոր ցուցարարներ կրկին հավաքվել են Վաշինգտոնի կենտրոնում՝ կոչ անելով դադարեցնել կրակը Գազայի հատվածում, հայտնում է ՌԻԱ Նովոստիի թղթակիցը։

Մասնակիցների մեծ մասը մուսուլմանական միությունների ներկայացուցիչներ են, նրանք աղոթքի համար տեղավորվել են Կապիտոլիումի և Վաշինգտոնի հուշարձանի միջև ընկած ծառուղում:

Կապիտոլիումի տարածքում մինչև այդ ուժեղացվել էին անվտանգության միջոցառումները՝ բողոքի ցույցերի ակնկալիքով։

Գազայի հատվածում ռազմական գործողությունների դադարեցմանն աջակցող հերթական  հանրահավաքի կազմակերպիչների թվում են IfNotNow (Եթե ոչ հիմա) շարժումը և «Հրեական ձայնը հանուն խաղաղության» կազմակերպությունը:

Կոնգրեսի համալիրի մոտ  վերջին ցույցը հանգեցրեց հարյուրավոր ակտիվիստների ձերբակալությունների, որոնք ներխուժել էին Ներկայացուցիչների պալատի գրասենյակի շենք: