ՆախընտրելիԸնթացիկ տարվա հոկտեմբերի 18 -ի դրությամբ Հայաստանի իրավապահ մարմինների կողմից Ինտերպոլի միջոցով միջազգային հետախուզում է հայտարարված 274 անձի նկատմամբ: Այդ մասին NEWS.am-ի թղթակցին հայտնեցին Հայաստանում Ինտերպոլի ազգային կենտրոնական բյուրոյից:
Համաձայն աղբյուրի` 2010 թ-ին արտասահմանում ձերբակալվել է Հայաստանի իրավապահների կողմից հետախուզվող 101 քաղաքացի, 26-ը ենթարկվել են էքստարդիցիայի, ընթացիկ տարվա 9 ամսվա կտրվածքով ցուցանիշները համապատասխանաբար 77 եւ 15 են:
Հոկտեմբերի 18-ի տվյալներով, Ինտերպոլի միջոցով կազմակերպության անդամ-երկրների կողմից հետախուզվում են 284 Հայաստանի քաղաքացի եւ հայեր:
2010 թ-ին Հայաստանում հայտնաբերվել է այլ պետությունների իրավապահ մարմինների կողմից հետախուզվող 37 քաղաքացի: Այս տարվա 9 ամիսների կտրվածքով Հայաստանում հայտնաբերվել է այդպիսի 31 անձ:
