Պրահայի ոստիկանությունը հետաքննում է Կառլովի համալսարանի շենքերից մեկում նախօրեին  ուսանողի  իրականացրած զանգվածային հրաձգության դրդապատճառները։

Չեխիայի ներքին գործերի նախարար Վիտ Ռակուշանը հայտարարել է, որ ոստիկանությունը միջադեպը չի կապում միջազգային ահաբեկչության հետ, հրաձիգը գործել է իր սեփական դրդապատճառներից ելնելով, որոնք դեռ պետք է պարզվեն, հաղորդում է BBC-ն։

Չեխական մամուլը հրապարակել է նրա անունը՝ կրակողը 24-ամյա Դավիդ Կոզակն է։ Նա Կառլովի համալսարանի ուսանող էր և նախկինում չէր հայտնվել իրավապահ մարմինների ուշադրության կենտրոնում։ Հրաձգության հետևանքով զոհվել է 13 մարդ։

Հարձակվողն ինքնասպան է եղել, երբ ոստիկանները մոտեցել են։ Նախաքննության տվյալներով,  Կոզակը գործել է միայնակ։