նախընտրելի դարձնել
Կալիֆոռնիայի ժայռի լանջի փոսում հայտնված տղամարդուն հաջողվել է փրկել, հայտնել են տեղական իշխանությունները:
Սան Դիեգոյի հրշեջ-փրկարարական վարչության հաղորդմամբ, դեկտեմբերի 21-ին, տեղական ժամանակով ժամը 15:40-ի սահմաններում, պաշտոնյաները հաղորդում են ստացել այն մասին, որ Սանսեթ-Քլիֆսում մի տղամարդ է հայտնվել փոսում։ Երկու տղամարդ լսել են օգնության կանչերը:
Տղամարդը հրշեջներին ասել է, որ մի քանի օր փոսում է մնացել և ամբողջ ժամանակ բղավել է, հաղորդում է NBC News-ը։
Հրշեջները հայտնել են, որ տղամարդը վնասվածք չի ունեցել, բայց գոտկատեղից ներքև խրված է եղել12-18 մատնաչափ լայնությամբ անցքի մեջ:
Արտակարգ ծառայությունները սկսել են փրկարարական գործողությունը, սակայն մակընթացության ժամանակ ստիպված են եղել դադար առնել:
Տղամարդուն տվել են էլեկտրոլիտներ, տաք կոմպրեսներ և ծածկոցներ, որպեսզի նա չսառչի գիշերվա ընթացքում, մինչ թիմը մնացել է նրա հետ, ասել են պաշտոնյաները:
Տուժողին հաջողվել է փրկել միայն հաջորդ օրը՝ դեկտեմբերի 22-ին։
