ԱՄՆ նախագահ Ջո Բայդենն ասել է, որ «չի կարող հորինել  մեկ» պատճառ, ըստ որի նախագահները պետք է բացարձակ անձեռնմխելիություն ստանան դատական հետապնդումից, ինչպես պնդում է նախկին նախագահ, Հանրապետական ​​կուսակցության առաջնորդ Դոնալդ Թրամփը, հայտնում է Bloomberg-ը։

Այս մասին Բայդենն ասել է՝ պատասխանելով լրագրողի հարցին,  շաբաթ օրը Սպիտակ տնից Քեմփ Դեյվիդ մեկնելուց առաջ, որտեղ նա կանցկացնի Սուրբ Ծննդյան տոնը։

ԱՄՆ Գերագույն դատարանն ուրբաթ օրը հրաժարվել է արագացնել Թրամփի անձեռնմխելիության գործով որոշման ընդունումը։

Դատավորների որոշումը խոչընդոտել է  դաշնային դատախազների ջանքերը՝ սկսելու Թրամփի  դատավարությունը՝  2020 թվականի ընտրությունները չեղարկելու նրա փորձերի հետ կապված մեղադրանքներով: Նախկին նախագահը պնդում է, որ ինքը գործել է իր պաշտոնական պարտականությունների շրջանակում 2021 թվականի հունվարի 6-ի անկարգությունների նախաշեմին, երբ նրա կողմնակիցները   գրոհեցին  ԱՄՆ Կապիտոլիումը՝ փորձելով արգելել օրենսդիրներին հաստատել Բայդենի հաղթանակը:

Դատավարությունը  պետք է սկսվի մարտի 4-ին, և հատուկ դատախազ Ջեք Սմիթը ձգտում է արագացնել գործը երկրի բարձրագույն դատարանում քննելը՝ մեկնարկի ամսաթիվն ապահովելու համար: Այժմ առաջին ատյանի դաշնային վերաքննիչ դատարանը կլսի անձեռնմխելիության մասին հայցը, ինչը նշանակում է, որ դատավարությունը կարող է սկսվել համընդհանուր ընտրությունների թեժ պահին կամ ավելի ուշ:

Բայդենն ավելի վաղ հայտարարել էր, որ Թրամփը հունվարի 6-ին «միանշանակ աջակցել է խռովությանը», թեև նա հրաժարվել է հավանություն տալ Կոլորադոյի Գերագույն դատարանի որոշումը, որը նախկին նախագահին զրկելու էր նահանգի ընտրություններին մասնակցելուց: «Դա կախված է դատարանից»,- ասել է Բայդենը։