Գերմանիայից մի տղամարդ, ով ուտում էր աղբանոցներում, պարզվել է, որ գաղտնի միլիոնատեր է, գրում է Bild-ը։

Դարմշտադտից 80-ամյա Հայնց Բ.-ն անտունի տեսք ունի և խնայում է ամեն ինչ։ Տղամարդը բջջային հեռախոս չունի, շրջում է հեծանիվով և ամսական հինգ եվրոյից ոչ ավել է (մոտ 500 ռուբլի) ծախսում սննդի վրա, սննդի մեծ մասը գտնում է աղբանոցներում։ Միևնույն ժամանակ, թոշակառուն ամենևին էլ մուրացկան չէ. Bild-ի թղթակիցները պարզել են, որ Հայնց Բ.-ն խոշոր տանտեր է։ Պարզվել է, որ նա ունի ութ տուն և երկու բնակարան։

Հայնց Բ.-ն պնդում է, որ հարստացել է իր խնայողության շնորհիվ: «Ես իմ սննդի մեծ մասը գտնում եմ աղբարկղում: Մարդիկ վատնում են և այնքան դեն են նետում, որ կարող են կերակրել մի ամբողջ ընտանիք: Օրինակ՝ մի տուփ երշիկ են առնում, մեկը ուտում, մնացածն ուղղակի աղբարկղը գցում»,- ասել է թոշակառուն։

Տղամարդը հետևում է իր խնայողություններին. նա իր միջոցների մի մասը բարձր տոկոսներով բանկում է պահում և գնում անշարժ գույք, քանի որ այդ կերպ նրա ունեցվածքը գնաճի հետևանքներին չի բախվում:

Տղամարդն իր վերջին տունը գնել է 700 հազար եվրոյով, որը նա պարզապես հանել է իր հաշվից։ Թոշակառուն վարձով է տալիս իր ողջ անշարժ գույքը: Ջրի գործ անողներին ու էլեկտրիկներին չվճարելու համար բոլոր վերանորոգումները ինքն է անում, բնակիչների համար ցանկացած աշխատանք անու, Հայնց Բ.-ն չունի մերձավոր ազգականներ, երեխաներ։ Նրա խոսքով՝ ինքը կարող էր իր ողջ ունեցվածքը կտակել իր զարմիկներին, սակայն նրանք ժառանգության հարկ վճարելու գումար չունեն։ Տղամարդը կարծում է, որ ինքը կարող է տներն ու բնակարանները թողնել իր ներկայիս վարձակալներին: