Նավթի համաշխարհային մատակարարումները կտրուկ նվազել են օրական 1,4 մլն բարելով և 2024 թվականի հունվարին կազմել 101,45 մլն բարել։ Այս մասին հայտնում են Միջազգային էներգետիկ գործակալության (IEA) վերլուծաբանների վիճակագրական տվյալները։

Հստակեցվում է, որ համաշխարհային մատակարարումների նվազմանը նպաստել են նաև եղանակային անբարենպաստ պայմանները։ Այսպես, Հյուսիսային Ամերիկայում ուժեղ ցրտի պատճառով նավթի արդյունահանման ընդհատումներ են գրանցվել։ Արդյունքում՝ հունվարին ԱՄՆ-ում միջին օրական արդյունահանումը նվազել է 540 հազար բարելով, իսկ Կանադայում՝ 360 հազարով։

Բացի այդ, հումքի համաշխարհային մատակարարումների կտրուկ անկման վրա ազդել է ՕՊԵԿ+-ի գործարքին մասնակցող մի շարք երկրներում արդյունահանման նոր կրճատումների ուժի մեջ մտնելը։ Դա հանգեցրել է համաշխարհային մատակարարումների կառուցվածքում օրական մոտ 300 հազար բարելի կորստի, եզրակացրել է գործակալությունը։

Մեկ այլ գործոն, որը հանգեցրել է գլոբալ մատակարարումների նվազմանը, ՄԷԳ-ն անվանել է Կարմիր ծովում աշխարհաքաղաքական լարվածության աճը: