Համայն Վրաստանի կաթողիկոս-պատրիարք Իլիա Բ-ն նոյեմբերի 15-ին հանդիպել  քաղաքական գործիչ եւ գործարար, Սահակաշվիլիի գլխավոր մրցակից Բիձինա Իվանաշվիլիի հետ:

Հանդիպման ավարտին պատրիարքը լրագրողներին հայտնել է, որ իրենք  զրուցել են Վրաստանի ապագայի մասին, իսկ քաղաքական գործիչը նշել է, որ շատ իմաստուն խորհուրդներ է ստացել, որոնք անպայման հաշվի կառնի իր հետագա գործունեության ընթացքում: Զրույցի այլ մանրամասներ կողմերը չբացահայտեցին, հայտնում է «Գռուզիա-Online»-ը: http://www.apsny.ge/

Հիշեցնենք, նոյեմբերի 13-ին կիրակնօրյա պատարագի ընթացքում Իլյա Բ-ն կոչ էր արել գործարար Բիձինա Իվանաշվիլիին Վրաստանի քաղաքացիություն շնորհել: Նա համոզմունք էր  հայտնել, որ նախագահ Միխայիլ Սահակաշվիլին հաշվի կառնի իր խոսքերը եւ Իվանաշվիլիին քաղաքացիություն կտա:

Միեւնույն ժամանակ, Վրաստանի նախագահի մամլո խոսնակ Մանանա Մանջգալաձեն ասել է, որ  նախագահ Միխայիլ Սահակաշվիլիի վարչակազմը առայժմ վրացի միլիարդատեր Բիձինա Իվանաշվիլիին քաղաքացիություն շնորհելու հարցի վերաբերյալ մեկնաբանություններ չի տա, հայտնում է  «Վրաստանն այսօր»-ը: http://www.georgiatimes.info/

Հիշեցնենք, գործարար եւ մեկենաս Բիձինա Իվանաշվիլին հոկտեմբերի սկզբին հայտարարել էր, որ մտադիր է կուսակցություն ստեղծել եւ մասնակցել Վրաստանի խորհրդարանական ընտրություններին:

Ավելի ուշ պարզվել էր, որ Իվանաշվիլին զրկվել է Վրաստանի քաղաքացիությունից, քանի որ Ռուսաստանի եւ Ֆրանսիայի քաղաքացի է: