Սիրիան չի կարող կարգավորել հարաբերությունները Թուրքիայի հետ, որը շարունակում է օկուպացնել երկրի հյուսիսային շրջանները։ Այս մասին, ինչպես հաղորդում է SANA գործակալությունը, հայտարարել է Արաբական Հանրապետության արտաքին գործերի նախարար Ֆեյսալ Միքդադը՝ Դամասկոսում ելույթ ունենալով իրանցի գործընկեր Ալի Բաղերի Կանիի հետ համատեղ մամուլի ասուլիսում։

«Անկարայի հետ ցանկացած երկխոսության հիմնական պայմանը թուրքական զորքերի դուրսբերումն է Սիրիայի տարածքից»,- ընդգծել է նա։ «Մենք ցանկանում ենք ունենալ հստակ թուրքական պարտավորություններ՝ մեր օկուպացված հողերը լքելու և ահաբեկչական կազմակերպություններին աջակցությունը դադարեցնելու մասին»:

Իր հերթին, Բաղերի Կանին նշել է, որ «Իրանն աջակցում է Սիրիայի տարածքային միասնությանը և բոլոր տարածքներում նրա ինքնիշխանության վերականգնմանը»։ «Իրանը համերաշխ է Սիրիայի և Իրաքի կառավարությունների հետ՝ ահաբեկչությունն արմատախիլ անելու համար նրանց պայքարում», - ասել է նա:

Սիրիայի հյուսիս-արևելքում իրավիճակը լարվել է Անկարայի հայտարարությունների պատճառով, որ Թուրքիան մտադիր չէ թույլ տալ հունիսի 11-ին տեղական ընտրություններ անցկացնել Սիրիայի դեմոկրատական ​​ուժերից քրդական զինված ուժերի կողմից վերահսկվող տարածքներում։