Նախընտրելի
Արդշինբանկը նորից Seaside Startup Summit ճամբարային բիզնես ֆորումի կողքին է` որպես Strong Partner: Այս տարի այն անց է կացվում հուլիսի 21-ից 27-ը: Ֆորումի նպատակը ձեռներեցներին, ներդրողներին և սկսնակ գործարարներին մեկ վայրում միավորելն է՝ մեր տարածաշրջանի համար ստեղծելով արդյունավետ բիզնես միջավայր, աջակցելով տեղական ստարտափների զարգացմանը և ապահովելով կայուն համագործակցություն էկոհամակարգի մասնակիցների միջև: Ֆորումը նախատեսում է մրցանակային ֆոնդ, կրթական ծրագրեր, պանելային քննարկումներ և այլն: Համաձայն ձևավորված ավանդույթի՝ ֆորումին կմասնակցեն անկախ ներդրողներ և վենչուրային հիմնադրամների ներկայացուցիչներ ամբողջ աշխարհից։
«Առաջին անգամ Արդշինբանկը մասնակցել է Seaside Startup Summit-ին 2023-ին, և եթե մենք նորից այստեղ ենք, նշանակում է, մեզ համար այն շարունակում է հետաքրքիր մնալ, և մենք ավելի մեծ հեռանկարներ ենք տեսնում։ Ներսից հետևել ամենաինովացիոն ոչ ֆորմալ սթարթափ-միջոցառման ընթացքին, լինել իրադարձությունների հորձանուտում, սա կայուն հարաբերությունների և հաջողված համագործակցության հիմքն է։ Արդշինբանկը մասնակցում է ֆորումին տարբեր ոլորտների մասնագետներից կազմված թիմով», - նշեց Արդշինբանկի Թվայնացման և տաղանդների կառավարման գծով տնօրեն Հարություն Իսպիրյանը։
Seaside Startup Summit 2024 ճամբարային բիզնես ֆորումի ընթացքում Արդշինբանկի տաղավարը Բանկի թվային մասնաճյուղ է. տեղում իրականացվում է խորհրդատվություն, Ֆորումի մասնակիցներին հնարավորություն է ընձեռվում նաև օգտվել հատուկ առաջարկից` ձեռք բերել Արդշինբանկի պրեմիում դասի քարտեր՝ 6 ամիս անվճար սպասարկման պայմանով: Իսկ քարտերի մասին ավելի մանրամասն տեղեկատվություն կարելի է ստանալ տեղում՝ մեր մասնագետների միջոցով:
Միջոցառման օրակարգին կարող եք ծանոթանալ այստեղ:
