Մավրիտանիայի ափերի մոտ նավի խորտակման հետևանքով 15 միգրանտ է մահացել, հայտնում է Միգրացիայի միջազգային կազմակերպությունը (ՄՄԿ)՝ հավելելով, որ ավելի քան 190 մարդ դեռևս անհետ կորած է համարվում։

Միջադեպը տեղի է ունեցել երկրի մայրաքաղաք Նուակշոտի մոտ, որտեղ դեռ շարունակվում է փրկարարական գործողությունը՝ մարդկանց փրկելու համար։ Մավրիտանիայի առափնյա պահպանությունը հայտնել է, որ փրկել է 120 մարդու, այդ թվում՝ առանց ուղեկցության չորս երեխաների, հաղորդում է BBC-ն:

ՄՄԿ-ն հայտնել է, որ մոտ 300 մարդ Գամբիայում նստել է փայտե նավ և յոթ օր անցկացրել ծովում, մինչև նավը շրջվել է հուլիսի 22-ին:

Առափնյա անվտանգության ծառայության ժամանման ժամանակ զոհվել է 15 մարդ, ևս տասը շտապ բուժօգնություն ստանալու համար տեղափոխվել են հիվանդանոց: Նմանատիպ աղետ տեղի ունեցավ հուլիսի 5-ին, երբ Մավրիտանիայի առափնյա ծառայությունները շրջված նավից դուրս բերեցին 89 միգրանտների մարմիններ: