Երեկ ուշ երեկոյան թերթը տեղեկացավ, որ Վանաձորի առաջին ատյանի ընդհանուր իրավասության դատարանի շենքում էր գտնվում ՀՀ Վճռաբեկ դատարանի նախագահ Արման Մկրտումյանը: Թե ինչ նպատակով, «Ժողովուրդին» երեկ չհաջողվեց պարզել, սակայն ենթադրվում է, որ այցը եղել է դատավորներին ինչ-ինչ ցուցումներ տալու համար: «Օրինաչափ է, որ ինչքան շատ է խոսովւմ դատական համակարգի անկախության անհրաժեշտության մասին, այնքան շատ են լինում բուրգի վերեւից իջնող հրահանգները»,- գրել է թերթը եւ հավելել, որ ի տարբերություն կառավարության` Վճռաբեկ դատարանն արտագնա նիստեր անելու ոչ իրավասություն, ոչ էլ պրակտիկա չունի: Ի դեպ, շաբաթ օրը Մկրտումյանը բավականին մեծ շուքով նշել է իր ծննդյան տարեդարձը: