նախընտրելի դարձնելՌուսաստանի ԿԸՀ նախնական տվյալներով` «Եդինայա Ռոսիա»-ն կորցրել է սահմանադրական մեծամասնությունը Պետդումայում: Կուսակցության ներկայացուցիչները վստահեցնում են, որ գոհ են «կայուն մեծամասմությունից»: Այժմ կուսակցությունը պետք է իշխող կոալիցիա ձեւավորի:
«Ինտերֆաքս»-ը տեղեկացնում է, որ, համաձայն ՌԴ ԿԸՀ ղեկավար Վլադիմիր Չուրովի հրապարակած տվյալների, «Եդինայա Ռոսիա»-ն քվեների 49,54%-ն է հավաքում (2007թ. ընտրություններին այն ստացել էր 64,3%-ը, 315 տեղ խորհրդարանում), ՌԴ Կոմունիստական կուսակցությունը հավաքում է 19,16% (2007թ.`11,57%, 57 տեղ), «Սպրավեդլիվայա Ռոսիա» -ն` 13,22% (2007թ.` 7,74%, 38 տեղ), Ռուսաստանի լիբերալ դեմոկրատական կուսակցությունը` 11,66% (2007թ.` 8,14%, 40 տեղ):
Ըստ այս ցուցանիշների` «Եդինայա Ռոսիա»-ն վեցերորդ գումարման Պետդումայում կարող է զբաղեցնել 238 տեղ, Կոմկուսը` 92, «Սպրավեդլիվայա Ռոսիա» -ն` 64, ՌԼԴԿ-ն` 56 տեղ:
Նախքան ընտրությունները, «Եդինայա Ռոսիա»-ի ներկայացուցիչները վստահ էին, որ կուսակցությունը Պետդումայում կպահպանի սահմանադրական մեծամասնությունը, որը կոալիցիա չի պահանջում:
