ՆախընտրելիՄոսկվայի իրավապահ մարմինները հայտնել են Տրոյումֆ հրապարակում չարտոնված գործողությունների 569 մասնակիցների ձերբակալման մասին: Փաստացի, պաշտոնական տվյալները գերազանցել են ընդդիմադիրների ավելի վաղ հաղորդած թիվը: Հիշեցնենք, ընդդիմության տվյալներով` Մոսկվայում 300 մարդ էր ձերբակալվել:
«Ոստիկանության աշխատակիցները Տրիումֆ հրապարակում չարտոնված հանրահավաք անցկացնելու փորձի համար 569 մարդ են ձերբակալել: Հասարակական կարգի լուրջ խախտումներ չեն գրանցվել», – ԻՏԱՌ-ՏԱՍՍ-ին ասել է իրավապահ մարմինների աղբյուրը:
Լրագրողները եւ ականատեսները վկայում են, որ ՕՄՈՆ-ականները ցուցադրական դաժանությամբ են գործել: Դաժան ծեծի է ենթարկվել «Կոմերսանտ»-ի լրագրող Ալեքսանդր Չերնիխը: Լրագրողի վկայական չունեցողներին ծեծել են քացիներով: Մոսկովյան ոստիկանությունը առ այսօր նման դաժանությամբ չէր գործել, գրում է Gazeta.ru-ն:
