Նախընտրելի
Ոստիկանության տեսախցիկները կհետևեն ոչ միայն արագության գերազանցմանն առնչվող, այլ նաև մեքենաների սրահում թույլ տված խախտումներին։ Դրա մասին Ազգային ժողովում հոկտեմբերի 28-ին 2025 թվականի պետական բյուջեի նախագծի քննարկման ժամանակ մշտական խորհրդարանական հանձնաժողովների համատեղ նիստում հայտարարել է ՀՀ ներքին գործերի փոխնախարար Արփինե Սարգսյանը։
Ըստ նրա՝ ՆԳՆ-ն նախատեսում է հանդես գալ համապատասխան առաջարկով և քննարկել դրա իրականացման ժամկետները։
Նոր համակարգը, ամրագոտիների բացակայությունից զատ, կկարողանա միաժամանակ արձանագրելու մեքենա վարելիս վարորդի ծխելու ու և հեռախոսով խոսելու դեպքերը։
«Դրա ներդրման համար չենք շտապում, որպեսզի քաղաքացիները կարողանան առանց որևէ սթրեսի ընտելանալ այս նորամուծություններին»,- նշել է Սարգսյանը։
Իշխանությունները միաժամանակ նախատեսում են մոտ ապագայում վարորդներին պարտավորեցնել ավտոմեքենաներում մանկական նստատեղեր տեղադրել։
«Չնայած այն հանգամանքին, որ Հայաստանում մեքենաների մեծ մասը հնացած է, և շատ մեքենաներ չունեն նման նստատեղեր, ծնողները այնուամենայնիվ ստիպված կլինեն գնել այդ նստատեղերը, քանի որ երեխաների անվտանգությունն ցանկացած ֆինանսական դժվարությունից կարևոր է»,- հավելել է փոխնախարարը։
