ՀՀ վարչապետի տիկին Աննա Հակոբյանը Հռոմի Սանտա Մարիա ին Տրաստևերե բազիլիկայում ներկա է գտնվել պատերազմում զոհվածների և խաղաղության համար մատուցվող Սուրբ պատարագին:

Պատարագին մասնակցել է նաեւ Ուկրաինայի նախագահ Վլադիմիր Զելենսկու կինը: Ամենայն հավանականությամբ, պատարագը վերաբերել է հենց ռուս-ուկրաինական պատերազմի զոհերին:

Հիշեցնենք, որ նախօրեին էլ Աննա Հակոբյանը  Հռոմում այցելել է  Օսպեդալե Պեդիատրիկո Բամբինո Ջեզու մանկական հիվանդանոց, որը տրամադրում է բուժում և վերականգնում ուկրաինացի երեխաներին։ 

Ռազմական գործողություններից ի վեր  բուժման համար այս հիվանդանոցն ընդունել է 658 ուկրաինացի երեխաների:

Նշենք, որ վերջին օրերին Հակոբյանը գտնվում է Իտալիայում: