նախընտրելի դարձնելՖրանսիայի Օ դը Սենի նահանգային գլխավոր խորհրդի նախագահ Պատրիկ Դեւեջյանը դեկտեմբերի 15-ին նախագահել է Ֆրանսիայի միավորված քաղաքների կազմակերպության (CUF) Հայաստանի հարցերով խմբի առաջին նիստը, որը կայացել է Նանտերի վարչական շենքում: Հանդիպման նպատակը հայ-ֆրանսիական ապակենտրոնացված մակարդակով արդյունավետ համագործակցության զարգացումն էր, հաղորդում է «Nouvelles dArménie»-ին:
Այս հանդիպումը CUF անդամ տեղական իշխանությունների ներկայացուցիչների համար հնարավորություն է որոշելու գործունեության ուղղությունները եւ կազմելու 2012թ. օրակարգի նախագիծը:
CUF-ը կառավարում է 3000 տեղական մարմինների ցանցը. այն իրականացնում է միջազգային համագործակցության միջոցառումներ եւ հանդես է գալիս որպես տեղեկատվության եւ փորձի փոխանակման ֆորում: Այդ փոխանակումները, մասնավորապես, կազմակերպվում են աշխարհագրական խմբերի` «երկրների խմբերի» կողմից` տեղական իշխանությունների մասնակցությամբ, որոնք ցանկանում են ծրագրեր նախաձեռնել համապատասխան երկրներում:
Այս համատեքստում Հայաստանի հարցերով խմբի նախագահությունը, 2011թ. նրա ստեղծվելուց հետո, վստահվել է Օ դը Սենի գլխավոր խորհրդին:
