նախընտրելի դարձնել
Էկվադորի գործող նախագահ Դանիել Նոբոան առաջատարն է նախագահական ընտրություններում, սակայն դեռ չի հավաքել բավարար ձայներ առաջին փուլում հաղթելու համար։ Այս մասին վկայում են Ազգային ընտրական խորհրդի հրապարակած արդյունքները՝ արձանագրությունների 10,61 տոկոսի մշակումից հետո։
Այդ տվյալների համաձայն՝ Նոբոայի օգտին քվեարկել է 47,02 տոկոսը, իսկ նրա հիմնական մրցակից Լուիսա Գոնսալեսի օգտին՝ 41,14 տոկոսը։ Հաղթելու համար թեկնածուն պետք է ստանա ձայների բացարձակ մեծամասնությունը կամ առնվազն 40 տոկոսը, բայց պայմանով, որ նրան ամենամոտ մրցակցից կբաժանի առնվազն 10 տոկոսային կետ։
Եթե միտումը շարունակվի, ապա ապրիլի 13-ին երկրում կանցկացվի ընտրությունների երկրորդ փուլը։
