նախընտրելի դարձնել
Գազայի հատվածի տարբեր հատվածներում իսրայելական օդուժի վերջին ռմբակոծությունների ժամանակ սպանված պաղեստինցիների ավելի քան 700 դիեր հանձնվել են շրջափակված անկլավի բժշկական հաստատություններին: Այս մասին հայտնել է Sky News Arabia հեռուստաալիքը։
Հատվածի բուժաշխատողների տվյալներով՝ «Գազայի հիվանդանոցներում ներկայում 710 տեղաբնակների դի կա, որոնք սպանվել են վերջին օրերին Իսրայելի ռմբակոծությունների հետեւանքով»։ Նրանց տվյալներով՝ ավելի քան 900 մարդ, որոնք տուժել են Իսրայելի ռազմաօդային ուժերի հարձակումներից, տեղափոխվել են անկլավի բժշկական հաստատություններ։
Մարտի 18-ին իսրայելական բանակը զանգվածային հարձակումներ է իրականացրել Գազայի հատվածում։ Իսրայելի վարչապետ Բենիամին Նեթանյահուի գրասենյակը դա բացատրել է արմատական պաղեստինյան ՀԱՄԱՍ շարժման կողմից միջնորդների եւ ԱՄՆ նախագահի հատուկ բանագնաց Սթիվեն Ուիթքկոֆի կողմից բանակցություններում արված առաջարկներից հրաժարվելով՝ ասելով, որ այդ հատվածում գործողության նպատակը բոլոր պատանդների ազատումն է։ Արմատականները ռազմական գործողությունների վերսկսման համար մեղադրում են Իսրայելին եւ ԱՄՆ-ին։
Գազայի հատվածի առողջապահության նախարարության տվյալներով՝ թեժացման նոր փուլի հետեւանքով մարտի 18-ին անկլավում զոհվել է 436 մարդ, եւս 678 մարդ տուժել է։
