նախընտրելի դարձնել
Մինչ օրս ԱՄՆ նախագահ Դոնալդ Թրամփի և ՌԴ նախագահ Վլադիմիր Պուտինի միջև հեռախոսազրույցներ նախատեսված չեն, հայտնում է NBC News-ը՝ հղում անելով Թրամփի վարչակազմի աղբյուրներին։
Ինչպես հայտնում է ամերիկյան հեռուստաալիքը՝ վկայակոչելով ԱՄՆ վարչակազմի պաշտոնյաներին, Թրամփի մերձավոր շրջապատը խորհուրդ է տալիս նրան չզանգել Պուտինին, քանի դեռ նա չի համաձայնել ամբողջական հրադադարին։
Միևնույն ժամանակ Սպիտակ տունը զգուշացրել է, որ Թրամփը կարող է հանկարծակի որոշել, որ ցանկանում է խոսել Պուտինի հետ։
Բայց նրան ասել են, որ հեռախոսազանգը լավ գաղափար չէ, քանի դեռ Պուտինը Սպիտակ տանը չի փոխանցել, որ համաձայն է ռուս-ուկրաինական պատերազմում հրադադարի լիարժեք պահպանմանը:
Թրամփը կիրակի NBC News-ին ասել է, որ ծրագրում է այս շաբաթ խոսել Պուտինի հետ։ Նա նաև ասել է, որ «շատ զայրացած է» Պուտինի վրա, քանի որ վերջինս ասել է, որ Ուկրաինայի նախագահ Վլադիմիր Զելենսկին պետք է հրաժարական տա։
Ռուս բանակցող Կիրիլ Դմիտրիևը երեկ երեկոյան Սպիտակ տանը հանդիպել է հանրապետական պաշտոնյաների և օրենսդիրների հետ, ըստ բանակցություններին ծանոթ ամերիկացի երեք պաշտոնյաների: Անհասկանալի է, թե արդյոք Թրամփը ներկա է եղել հանդիպմանը որևէ պահի: Դմիտրիևը երեկ երեկոյան Սպիտակ տանը հանդիպել է կոնգրեսականներ Լինդսի Գրեհեմի և Մարկուեյն Մալլինի հետ՝ Թրամփի խնդրանքով։
Աղբյուրները հայտնում են, որ կողմերը քննարկել են Ուկրաինայում պատերազմի դադարեցման պայմանները և հրադադարի մասին Պուտինի պահանջները։
