նախընտրելի դարձնել
Իտալիայի վարչապետ Ջորջիա Մելոնին ԱՄՆ նախագահ Դոնալդ Թրամփի հետ հանդիպման ժամանակ հռչակել է նոր կարգախոս՝ «Արևմուտքը նորից կդարձնենք մեծ» և առաջարկել է դա անել միասին։
«Ինձ համար Արևմուտքը պարզապես աշխարհագրական տարածք չէ, այն քաղաքակրթություն է, և ես ուզում եմ այս քաղաքակրթությունն ավելի ուժեղ դարձնել: Եվ չնայած Ատլանտյան օվկիանոսի երկու կողմերի միջև խնդիրներ կան, ժամանակն է նստել և միասին լուծումներ գտնել: Իմ նպատակն է Արևմուտքը կրկին մեծ դարձնել, և ես կարծում եմ, որ միասին մենք կարող ենք դա անել», - ասել է նա Սպիտակ տանը՝ հրապարակելով այդ դրվագը X-ում: Թրամփը դրան հաստատական է արձագանքել՝ ասելով. «Մենք կարող ենք»:
«Ամերիկան կրկին մեծ կդարձնենք»-ը Թրամփի գլխավոր կարգախոսն է։ Մելոնին նաև հայտարարել է, որ Թրամփը ընդունել է Հռոմ այցելելու հրավերը՝ հավելելով, որ այցի հետ մեկտեղ կարող է կայանալ նաև ԵՄ-ի հետ գագաթնաժողով։
Սպասվում է, որ ուրբաթ Իտալիայի մայրաքաղաքում ԱՄՆ փոխնախագահ Ջ.Դ.Վենսը բանակցություններ կվարի Մելոնիի, ինչպես նաև Վատիկանի պետքարտուղար (կառավարության ղեկավար) կարդինալ Պիետրո Պարոլինի հետ։
