Բրազիլիայում 74 տարվա ամուսնական զույգը մահացել է նույն օրը՝ մի քանի ժամի տարբերությամբ։

Ինչպես հաղորդում է Need To Know-ն, Օդիլետա Պանսանի դե Արոն և Պասկուալ դե Արոն մահացել են 10 ժամվա տարբերությամբ՝ իրենց հարսանիքի 74-րդ տարեդարձից երկու օր անց։

Կյանքի վերջում Օդիլետան գտնվում էր ամուսնու խնամքի ներքո․ նրա մոտ զարգացել էր Ալցհեյմերի հիվանդություն։ Իսկ 2023 թվականին Պասկուալի մոտ ախտորոշվել էր աղիքների քաղցկեղի վերջին փուլը։

Նրանց մտերիմներն ասում են, որ սարսափելի լուրից հետո նա սկսել է Աստծուն աղոթել, որպեսզի ինքն ու Օդիլետան մահանան նույն օրը։