նախընտրելի դարձնել
Գազայի կենտրոնական հատվածում Իսրայելի ռազմական հրետակոծության հետեւանքով վիրավորված խաղաղ բնակիչների թիվը հասել է 105-ի, եւս երեքը զոհվել է, հայտնել է Կատարի Al Jazeera հեռուստաալիքը։
Ավելի վաղ հաղորդվել էր, որ Գազայի հատվածի կենտրոնական մասում գտնվող Էլ-Բուրեյջ քաղաքի փախստականների ճամբարից հյուսիս գտնվող մարդասիրական օգնության բաշխման կենտրոնի մոտ քաղաքացիական անձանց հավաքի գնդակոծության ժամանակ զոհվել է 2 եւ վիրավորվել 92 մարդ։
Մարտի 18-ին Իսրայելի բանակը վերսկսել է ռազմական գործողությունները Գազայի հատվածում՝ զանգվածային հարվածներ հասցնելով անկլավին եւ դադարեցնելով հունվարին հաստատված հրադադարը։ Իսրայելի վարչապետ Բենիամին Նեթանյահուի գրասենյակը սա բացատրել է նրանով, որ պաղեստինյան ՀԱՄԱՍ շարժումը մերժել է միջնորդների եւ ԱՄՆ նախագահի հատուկ բանագնաց Սթիվեն Ուիթքոֆի կողմից բանակցությունների ընթացքում ներկայացված առաջարկները՝ նշելով, որ այդ հատվածում գործողության նպատակը բոլոր պատանդներին ազատ արձակելն է: Արմատականները ռազմական գործողությունների վերսկսման համար մեղադրել են Իսրայելին եւ ԱՄՆ-ին:
