Կիրակի վաղ առավոտյան Հնդկաստանի Ռուդրապրայագ շրջանի Գաուրիկունդ քաղաքի մոտակայքում Կեդարնաթից Գուպտկաշ ուղևորվող ուղղաթիռ է կործանվել, ինչի հետևանքով զոհվել է յոթ մարդ, հայտնում է Hindustan Times-ը։

Aryan Aviation ավիաընկերությանը պատկանող ուղղաթիռը Կեդարնաթի ուղղաթիռային հարթակից օդ է բարձրացել տեղական ժամանակով մոտավորապես 05:20-ին, սակայն ավելի ուշ նրա հետ կապն ընդհատվել է։

Զոհերի թվում նաև երկու տարեկան երեխա է եղել։

Սկսվել են ուղղաթիռի որոնողական աշխատանքները։ Aryan Aviation ընկերությանը պատկանող ուղղաթիռը Կեդարնաթ Դհամից վերադառնում էր Գուպտկաշիի իր բազա, երբ հովտում անսպասելիորեն բախվել է անբարենպաստ եղանակային պայմանների։

Օդաչուն փորձել է ուղղաթիռը դուրս բերել հովտից, սակայն օդանավը թռիչքի ժամանակ կործանվել է։