Իսրայելի օդային տարածքը մնում է փակ Բեն Գուրիոն օդանավակայանում վայրէջքների և թռիչքների համար, հայտնում է Times of Israel-ը՝ վկայակոչելով օդանավակայանի վարչության հայտարարությունը։

Իսրայելի օդանավակայանների վարչության հայտարարության մեջ ասվում է, որ դրա վերաբացման մասին ցանկացած հայտարարություն պետք է արվի ժամանումից վեց ժամ առաջ։ Իսրայելի օդանավակայանների վարչությունը հայտարարում է, որ համագործակցում է իսրայելական ավիաընկերությունների հետ՝ Տրանսպորտի և ճանապարհային երթևեկության անվտանգության նախարարության և Քաղաքացիական ավիացիայի վարչության կողմից պատրաստված համակարգված պլանի շրջանակում՝ արտերկրում հայտնված իսրայելցիներին վերադարձնելու համար։

«Բոլոր անձնակազմերն ու օդանավերը պատրաստ կլինեն գործողությունների, հենց որ դա հնարավոր դառնա,- ասվում է օդանավակայանի վարչության հաղորդագրության մեջ։- Սակայն դա կարող է երկար ժամանակ տևել՝ կախված անվտանգային իրավիճակից։ Իսրայել թռիչքների վերսկսման մասին որոշումը կկայացվի միայն այն ժամանակ, երբ մենք վստահ լինենք, որ դա անվտանգ է»։

Հորդանանի և Սինայի հետ ցամաքային սահմանի անցակետերը բաց են գործնական ուղևորությունների և ուղևորափոխադրումների համար։