Իրանի ոստիկանությունը Ալբորզ նահանգի Սավոջբոլաղ քաղաքում ձերբակալել է Իսրայելի «Մոսադ» հետախուզական ծառայության երկու գործակալի, հայտնում է ISNA-ն։

«Այդ անձինք ռումբեր, պայթուցիկ նյութեր, ական-թակարդներ և էլեկտրոնային սարքավորումներ էին պատրաստում Սավոջբոլաղի հրամանատարական կենտրոնում։

Լրացուցիչ նորությունները և մեղադրյալների հայտարարությունները կհայտարարվեն առաջիկայում»,- նշվում է ԶԼՄ-ի հաղորդագրության մեջ։

Ավելի վաղ իսրայելական լրատվամիջոցները պատմել էին, որ Իսրայելը տարիներ է ծախսել Իրանի «միջուկային և հրթիռային ծրագրերի» դեմ գործողությանը նախապատրաստվելու համար։

Ըստ այդ տեղեկատվության,ծրագիրը ներառում էր Իրանի տարածքում անօդաչու թռչող սարքերի բազայի կառուցում և երկիր բարձր ճշգրտության զենքի համակարգերի ու հատուկջոկատայինների մաքսանենգություն։ Այս ջանքերը հիմնված էին բանակի և «Մոսադ» հետախուզական վարչության միջև մանրակրկիտ համատեղ պլանավորման վրա։