Բերդավանում երեկ տեղացած ուժեղ կարկուտի հետեւանքով վնասվել է բնակիչներից Անի Հախվերդյանի տունը։
NEWS.am–ի հետ զրույցում նա հայտնել է, որ 10 րոպեի ընթացքում իրենք կորցրել են ամբողջ այգին։ Նրա խոսքով, հակակարկտային կայանները չեն կրակել, նրանք աշխատել են միայն կարկուտի ավարտից հետո։
«Անցած տարի մի քիչ գումար էի խնայել և տան մի հատվածի կոսմետիկ վերանորոգումը վերցրել ինձ վրա, կոսմետիկի կ-ն մնաց, ամբողջ տանիքը վերածվել է ցանցի և ջուրը տուն է լցվել։ Էսպես բոլորի տներն ու այգիները։ Կարկուտը վերջացավ ահագին ժամանակ անց անձրև սկսվեց ու նոր հակակարկտային են կրակում»,– ասաց Անին։

Նրա խոսքով գյուղի բոլոր բնակիչները մեծ կամ փոքր վնասներ են կրել։ Տուժել են տներ, մեքենաներ, բերքը։