Նախընտրելի
Թեհրանը պատրաստվում է ՄԱԿ-ում բողոք ներկայացնել ԱՄՆ-ի դեմ՝ իրանական օբյեկտներին վնաս հասցնելու համար, հայտարարել է Իրանի փոխարտգործնախարար Սաիդ Խատիբզադեն։
«Ալ Մայադին» հեռուստաընկերությանը տված հարցազրույցում Սաիդ Խատիբզադեն ասել է, որ Վաշինգտոնը պետք է փոխհատուցի Իրանին իր միջուկային օբյեկտներին պատճառված վնասի համար։
Նա ասել է, որ հունիսի 24-ին ուժի մեջ մտած հրադադարը հանգեցրել է ռազմական գործողությունների դադարեցմանը՝ հավելելով, որ պատերազմի ավարտի մասին ուղերձները հղել է ԱՄՆ-ն։
Իրանի փոխարտգործնախարարը շեշտել է, որ Իրանի ժողովուրդը «դիմադրության միջոցով իր կամքը պարտադրել է սիոնիստական ռեժիմին և ստիպել թշնամուն միակողմանիորեն դադարեցնել իր ագրեսիայի գործողությունները»։
Նա ընդգծել է, որ մինչ ԱՄՆ-ն տարբեր ուղիներով ազդանշաններ էր ուղարկում Իրանին, Թեհրանը պնդում էր, որ ագրեսիայի գործողությունները պետք է դադարեցվեն նախքան հրադադարի վերաբերյալ որևէ որոշում կայացնելը։
Ըստ Խատիբզադեի՝ Իրանը որևէ գրավոր համաձայնագիր չի կնքել Իսրայելի հետ, որը կարող է պարունակել որոշակի կետեր, հաղորդում է Mehr-ը։
«Տեղի ունեցածը սիոնիստների կողմից ագրեսիայի ավարտն է։ Զուգահեռաբար, Իրանը հարվածներ չի հասցնի, չնայած այն հանգամանքին, որ պատրաստ էր», - բացատրեց նա։
