2025 թ. հունվար-ապրիլին ԵԱՏՄ անդամ պետություններում շահագործման հանձնված բնակարանային շինարարության ծավալն աճել է 6,3%-ով՝ 2024 թ. համապատասխան ժամանակահատվածի համեմատ, և կազմել 45 492 հազար քառակուսի մետր։ Այս մասին հայտնում է Հայաստանում Ռուսաստանի դեսպանությունը։

Ընդ որում, աճ է գրանցվել՝

Հայաստանում՝ 53,6%-ով,
Ղրղզստանում՝ 22,2%-ով,
Բելառուսում՝ 12,1%-ով,
Ղազախստանում՝ 6,8%-ով,
Ռուսաստանում՝ 5,7%-ով։

2025 թ. հունվար-ապրիլին ԵԱՏՄ անդամ պետություններում շահագործման հանձնված բնակարանների ընդհանուր ծավալի 85,1%-ը բաժին է ընկել Ռուսաստանին, 10,7%-ը՝ Ղազախստանին, 2,5%-ը՝ Բելառուսին, 1,2%-ը՝ Ղրղզստանին, իսկ 0,5%-ը՝ Հայաստանին։