ԱՄՆ վարչակազմը բավարար գործիքներ ունի՝ Ռուսաստանի հիմնական առևտրային գործընկերների վրա ճնշում գործադրելու համար։ Այս մասին լրագրողների համար կանոնավոր ճեպազրույցի ժամանակ հայտարարել է Պետդեպարտամենտի մամուլի ծառայության ղեկավար Թեմի Բրյուսը։

Ճեպազրույցի ընթացքում նրան հարցրել են, թե արդյոք Վաշինգտոնը որևէ ուղերձ ունի, որը Միացյալ Նահանգների վարչակազմը կցանկանար հղել ՌԴ հիմնական առևտրային գործընկերներին՝ Չինաստանին, Հնդկաստանին, Թուրքիային և Ղազախստանին։ «Եվ նախագահը [Դոնալդ Թրամփը], և պետքարտուղարը [Մարկո Ռուբիոն] շատ միջոցներ ունեն, որոնցով կարող են կարգավորել այն մատակարարումները, որոնք խնդիրներ են ստեղծում կամ վնասում են մեր ազգային անվտանգությանը», - ասել է նա։ «Պետք է զգույշ լինել, թե ում հետ են նրանք առևտուր անում, ում են մատակարարում», - հավելել է Բրյուսը։