Ատելություն հրահրելու մեջ մեղադրվող բլոգեր Արեգ Շչեպիխինի մոտ հայտնաբերվել է անձի խառը խանգարում, հայտնել է РИА Новости գործակալության թղթակիցը Մոսկվայի Պրեսնենսկի դատարանից։

Ըստ դատարանում հրապարակված փաստաթղթերի՝ փորձաքննությունը եզրակացրել է, որ Շչեպիխինին անձի խառը խանգարում է ախտորոշվել։

Առայժմ կողմերը դատարանում այս հարցի վերաբերյալ որևէ հայտարարություն չեն արել։

Ավելի վաղ դատարանը Շչեպիխինի կալանքը երկարաձգել էր ևս 6 ամսով։

Հունիսի 3-ի երեկոյան Խիմկիի գործարար Արեգ Շչեպիխինին առևանգել էին Մոսկվայի Յարոսլավսկի երկաթուղային կայարանի մոտ գտնվող հրապարակում։ Մի քանի մարդ բռնել է նրան և խցկել սև, թարթող լույսերով Mercedes-ի բեռնախցիկը։ Մոսկվայի ոստիկանությունը ձերբակալել է ինչպես առևանգման մասնակիցներին, այնպես էլ Շչեպիխինին։ Հունիսի 4-ին հաղորդվել է, որ գործարարն ազատ է արձակվել «Կրեմլի հրամանով», սակայն հունիսի 6-ին դատարանը կալանավորել է նրան։

Չեչնիայի ազգային քաղաքականության, արտաքին հարաբերությունների, մամուլի և տեղեկատվության նախարար Ախմեդ Դուդաևը հայտարարել է, որ Շչեպիխինը, որը տեսանյութ է նկարահանել չեչեն ժողովրդին, Ալլահին և Ղուրանին վիրավորող բառերով, «չի առևանգվել, այլ ձերբակալվել է իրավապահ մարմինների աշխատակիցների կողմից»։

«ВЧК-ОГПУ» թելեգրամյան ալիքը հրապարակել է ձայնային հաղորդագրություններ, ըստ որոնց՝ առևանգմանը մասնակցել են Պետդումայի պատգամավոր Ադամ Դելիմխանովի շրջապատի մարդիկ։