Ամերիկացին, ChatGPT-ի խորհրդով, որոշել է սովորական կերակրի աղի փոխարեն նատրիումի բրոմիդ օգտագործել։ Նա խորհրդի էր դիմել՝ կարդալով կերակրի աղի վնասակարության մասին, գրում է naked-science.ru-ն։

Իր վրա կատարած փորձը տևել է երեք ամիս, որից հետո տղամարդու մոտ առողջական ընդհանուր վիճակի վատթարացման ֆոնին սկսվել են զգայախաբություններ, հայտնում է osnmedia-ն։ Անալիզները նրա արյան մեջ բրոմիդների մակարդակի աղետալի գերազանցում են հայտնաբերել։

Արյան մեկ լիտրում 0,9-7,3 միլիգրամ նորմայի դեպքում պացիենտի մոտ այդ ցուցանիշը հասել է 1700 միլիգրամի։ Բժիշկներն ախտորոշել են բրոմով քրոնիկական թունավորում։
Հիվանդանոցում գտնվելու առաջին օրը հիվանդի մոտ ուժեղացող պարանոյայի և զառանցանքի նշաններ են հայտնվել։ Սովորական հիվանդանոցից փախչելու փորձից հետո նրան տեղափոխել են հարկադիր հոգեբուժական բուժման։

Բժիշկները չեն կարողացել պարզել նեյրոցանցի խորհրդի ճշգրիտ ձևակերպումը, քանի որ պացիենտի հարցումների պատմությունը բացակայում էր։ Բժիշկները սահմանափակվել են խորհրդով՝ առողջական հարցերում չվստահել ChatGPT-ի կամ արհեստական բանականության այլ համակարգերի կարծիքին՝ սխալների և անճշտությունների վտանգի պատճառով։

Տղամարդը երեք շաբաթ մնացել է հիվանդանոցում, մինչև նրա ֆիզիկական և հոգեկան վիճակը բարելավվել է։ Երկու շաբաթ անց կրկնակի զննման արդյունքում նրա առողջական վիճակը կայուն է եղել։