Մինսկը պատրաստ է մեծ գործարք կնքել Վաշինգտոնի հետ «պատանդների» հարցում։ Համապատասխան առաջարկը ԱՄՆ նախագահ Դոնալդ Թրամփին փոխանցել է նրա բելառուս գործընկեր Ալեքսանդր Լուկաշենկոն, նրա խոսքերը հրապարակվել են «Пул Первого» Telegram ալիքով։

«Նրան (Թրամփին-«Լենտա.ռու»-ի ծանոթ.) շատ են անհանգստացնում, ինչպես ինքն ասաց, պատանդների, քաղբանտարկյալների հարցերը։ Ես դեմ չեմ, եկեք քննարկենք նաև այս թեման գլոբալ կերպով... Եթե Դոնալդը պնդում է, որ պատրաստ է իր մոտ վերցնել ազատ արձակվածներին, եկեք փորձենք գլոբալ գործարք մշակել, ինչպես սիրում է պարոն Թրամփը։ Մեծ գործարք, նա այդպես է դա անվանում»,- ասել է քաղաքական գործիչը։

Նա նշել է, որ Մինսկը շահագրգռված չէ, որ ամերիկյան կողմի համար հետաքրքրություն ներկայացնող մի շարք գերիներ գտնվեն կալանքի տակ։ Միևնույն ժամանակ, Լուկաշենկոն ընդգծել է, որ այդ մարդիկ չեն դատապարտվել քաղաքական հոդվածներով, քանի որ Բելառուսի քրեական օրենսգրքում նման հոդվածներ չկան, հաղորդում է Լենտա.ռու-ն։