Նախընտրելի
Իսրայելի վարչապետ Բենիամին Նեթանյահուն Կատարի մայրաքաղաք Դոհայում ՀԱՄԱՍ-ի գլխավոր գրասենյակի վրա հարձակումն «օրինական» է անվանել և թույլատրել է հարվածել խմբավորման առաջնորդներին՝ «որտեղ էլ որ նրանք լինեն»: Այդ հայտարարությունն արվել է Իսրայել այցելած ԱՄՆ պետքարտուղար Մարկո Ռուբիոյի հետ բանակցություններից հետո տեղի ունեցած մամուլի ասուլիսում, հաղորդում է Euronews-ը։
Նա վստահեցրել է նաև, որ անկլավում անցյալ ամիս սկսված իսրայելական բանակի հարձակողական գործողությունը կշարունակվի մինչև այն լիովին վերահսկողության տակ չանցնի։
Նեթանյահուն, առանց ապացույցներ ներկայացնելու, միաժամանակ հայտարարել է, որ զինյալները խանգարում են խաղաղ բնակիչներին լքել քաղաքը և «կրակում են նրանց ոտքերի վրա»։
ՀԱՄԱՍ-ի տվյալներով՝ օգոստոսի 11-ին Գազայի վրա Իսրայելի պաշտպանության բանակի կողմից Գազայի վրա հարձակումը սկսելուց ի վեր առնվազն 350 հազար պաղեստինցի լքել է իրենց տները, որի արդյունքում ոչնչացվել է 1600 տուն և 13 հազար վրան։
«Որքան էլ մենք կցանկանայինք, որ դա ավարտվի խաղաղ, դիվանագիտական ճանապարհով, և մենք կշարունակենք ուսումնասիրել այս հարցը և ձգտել դրան, մենք նաև պետք է պատրաստ լինենք այն հնարավորությանը, որ դա տեղի չի ունենա»,- ասել է Ռուբիոն՝ ՀԱՄԱՍժին «բարբարոս ահաբեկիչներ» անվանելով:
