նախընտրելի դարձնել
ԱՄՆ Հետաքննությունների դաշնային բյուրոյի տնօրեն Քեշ Պատելը երեքշաբթի հայտարարել է, որ իրավապահ մարմինների գործում «արժանահավատ տեղեկություն չկա», որ սեռական հանցագործությունների համար դատապարտված Ջեֆրի Էփշտեյնը երիտասարդ կանանց վաճառել է այլ անձանց, հաղորդում է Ֆրանսպրես գործակալությունը։
«Արժանահավատ տեղեկություն չկա, ոչ մեկը,- ասել է Պատելը Սենատի դատական կոմիտեի լսումներում։ -Եթե լիներ, երեկ ես գործ կբացեի, որ նա թմրանյութեր է վաճառել այլ անձանց»։
Դոնալդ Թրամփի ամենաեռանդուն կողմնակիցներից մի քանիսը տարիներ շարունակ հետևել են Էփշտեյնի գործին՝ հավատալով, որ «խոր պետության» էլիտաները Դեմոկրատական կուսակցությունում և Հոլիվուդում պաշտպանում են Էպշտեյնի գործընկերներին։
Կոմիտետի առջև իր ցուցմունքում Պատելը միաժամանակ ասել է, որ հետաքննություն է ընթանում առցանց խաղատան անդամների նկատմամբ, որտեղ հաճախ էր լինում Յուտայի բնակիչ Թայլեր Ռոբինսոնը՝ պահպանողական ակտիվիստ Չարլի Քըրքի ենթադրյալ մարդասպանը։
«Կան մի շարք անձինք, որոնք ներկայում հետաքննության և հարցաքննության տակ են, և այդ չաթի հետ առնչություն ունեցող մի շարք անձինք, որոնց դեռևս չեն հետաքննել և հարցաքննել», -ասել է նա։ Ի պատասխան սենատորի ՝ թե արդյոք այլ անձինք կարող էին ներգրավված լինել հարցի, Պատելը պատասխանել է՝ այո։
Սենատի հանձնաժողովի դեմոկրատները քննադատության են ենթարկել Պատելին՝ ՀԴԲ-ն մաքրելու համար այն տասնյակ գործակալներից, որոնք աշխատել են Թրամփի գործին առնչվող քրեական գործերով կամ հանրապետական նախագահի նկատմամբ անհավատարիմ են համարվել:
