Երեքշաբթի օրը չորս մարդ Է ձերբակալվել՝ ԱՄՆ նախագահ Դոնալդ Թրամփի և սեռական հանցագործ Ջեֆրի Էփշտեյնի պատկերները Վինձորի ամրոցի պատին ցուցադրելու համար, որտեղ Չարլզ թագավորը պատրաստվում է ընդունել ԱՄՆ նախագահին՝ Մեծ Բրիտանիա կատարած պետական ​​այցի ընթացքում, հաղորդում է Reuters-ը։

Թրամփը Մեծ Բրիտանիա է ժամանել երեքշաբթի ուշ երեկոյան՝ աննախադեպ երկրորդ պետական այցով, իսկ չորեքշաբթի օրը Չարլզը նրան կդիմավորի Վինձորի ամրոցում, որը գտնվում է Լոնդոնից մոտ 25 մղոն դեպի արևմուտք։

Ոստիկանության հայտարարության մեջ ասվում է, որ չորս չափահաս անձինք ձերբակալվել են չարամիտ հաղորդագրությունների կասկածանքով՝ Վինձորի ամրոցում «չարտոնված ցուցադրությունից» հետո, որը նրանք անվանել են «հրապարակային հնարք»։ ԱՄՆ Ներկայացուցիչների պալատի դեմոկրատները սեպտեմբերի 8-ին հրապարակել են նամակ, որը Թրամփը, ենթադրաբար, գրել է Էփշտեյնին ավելի քան 20 տարի առաջ՝ նրա ծննդյան օրվա կապակցությամբ, սակայն Սպիտակ տունը հերքել է դրա իսկությունը։

Նամակը նույնպես պրոյեկցվել է ամրոցի վրա՝ Էփշտեյնի զոհերի լուսանկարների, գործի մասին լրատվական հատվածների և ոստիկանության հաղորդագրությունների հետ միասին։