Նախընտրելի
Հինգշաբթի առավոտյան Ֆրանսիայի քաղաքների փողոցներ են դուրս եկել մոտ 10 հազար ցուցարարներ՝ կառավարության կողմից առաջարկվող խնայողության միջոցառումների դեմ բողոքի ակցիաներին մասնակցելու համար։ Այս մասին ճեպազրույցի ժամանակ հայտարարել է հանրապետության ներքին գործերի նախարար Բրունո Ռետայոն, որի հեռարձակումը կատարել է LCI հեռուստաալիքը։
«Ժամը 10:00-ի դրությամբ գրանցվել է 230 բողոքի ակցիա, բիզնեսները արգելափակելու 95 փորձ և 10,000 ցուցարար», - ասել է նա։
Միևնույն ժամանակ, ըստ Ռետայլոյի, «բողոքի ցույցերը սպասվածից պակաս ինտենսիվ են»։ Նա նշել է, որ ձերբակալվել է 58 մարդ, որոնցից 11-ը՝ մայրաքաղաքի Իլ դը Ֆրանս շրջանում։
Սեպտեմբերի 18-ին Ֆրանսիայում տեղի է ունենում համազգային գործադուլ՝ ի նշան կառավարության կողմից առաջարկվող խնայողության միջոցառումների դեմ բողոքի: Իշխանությունները կանխատեսում են, որ ամբողջ երկրում կայանալիք ցույցերին կմասնակցի մոտ 900,000 մարդ: Ներքին գործերի նախարարությունը կարգուկանոնը պահպանելու համար տեղակայում է ավելի քան 80,000 ոստիկան և ժանդարմերիա, ինչպես նաև զրահապատ մեքենաներ և անօդաչու թռչող սարքեր:
