Սպիտակ տան նախկին աշխատակազմի ղեկավար Ջեֆ Զինթսը խոստովանել է, որ ԱՄՆ նախկին նախագահ Ջո Բայդենի հիշողությունը և որոշումներ կայացնելու ունակությունը նրա նախագահության ընթացքում նվազել են: Այս մասին հաղորդում է New York Post-ը՝ հղում անելով աղբյուրներին:

Աղբյուրների համաձայն, Զինթսը հինգշաբթի օրը ցուցմունք է տվել Ներկայացուցիչների պալատի վերահսկողության և կառավարության բարեփոխումների հանձնաժողովի առջև: Նա օրենսդիրներին ասել է, որ Բայդենի և ներկայիս նախագահ Դոնալդ Թրամփի աղետալի բանավեճից հետո ինքը խորհուրդ է տվել նախագահի բժշկին «լիարժեք բժշկական զննում» անցկացնել, այդ թվում՝ մտավոր կարողությունների թեստ: 

Սպիտակ տան նախկին աշխատակազմի ղեկավարի խոսքով՝ Բայդենի համար «ավելի ու ավելի դժվար է հիշել ամսաթվերը և անունները», և նրա որոշումների կայացման գործընթացն ավելի երկար է տևում: Զինթսը նաև նշել է, որ Բայդենի կինը՝ Ջիլը, խնդրել է, որ իր ամուսինը չծանրաբեռնվի աշխատանքով:

Հունիսի 5-ին ԱՄՆ նախագահ Դոնալդ Թրամփը հրամայել է հետաքննություն սկսել իր նախորդի առողջության և իր օգնականների կողմից փաստաթղթեր ստորագրելու համար գրիչ օգտագործելու վերաբերյալ: Ներկայացուցիչների պալատի վերահսկողության և կառավարության բարեփոխումների հանձնաժողովի նախագահ Ջեյմս Քոմերը հայտարարել է, որ չի բացառում Ջո Բայդենին Կապիտոլիումի բլրի լսումներին ցուցմունք տալու կանչելը։