նախընտրելի դարձնել
Անկախության առաջին տարիներին Հայաստանը բախվեց զգալի տնտեսական և ինստիտուցիոնալ մարտահրավերների։ Հենց այդ ժամանակ էլ բանկային համակարգը, դեռևս իր սկզբնական փուլում, փորձեց ստանձնել առաջատարի դեր։ Այս մասին սեպտեմբերի 23-ին «Բանկային համակարգի ապագան. նորարարություններ և զարգացման հեռանկարներ» ֆորումի ժամանակ հայտարարեց ՀՀ Կենտրոնական բանկի նախագահ Մարտին Գալստյանը։
Նրա խոսքով, չնայած այն ժամանակ գոյություն ունեցող սահմանափակումներին, հետևողական բարեփոխումները հնարավորություն տվեցին կառուցել կայուն և հուսալի բանկային համակարգ։
Նա հավելեց, որ վերջին 30 տարիների ընթացքում Հայաստանի բանկային համակարգի զարգացումը եղել է դինամիկ և լի մարտահրավերներով։ Գալստյանը շեշտեց ավանդների երաշխիքի հիմնադրամի, վարկային բյուրոյի և այլ ենթակառուցվածքների ստեղծման, ինչպես նաև հաճախորդների պաշտպանությանն ուղղված նախաձեռնությունների իրականացման կարևորությունը, որոնք խթանեցին հանրության վստահությունը ֆինանսական հաստատությունների նկատմամբ։
Մարտին Գալստյանը նշեց, որ այս ամենի արդյունքում 2024 թվականի վերջին բանկային համակարգի ակտիվները կգերազանցեն ՀՆԱ-ն՝ համեմատած 2000-ականների սկզբի ՀՆԱ-ի 20%-ի հետ։
«Չնայած մարտահրավերներին, ոլորտը լավ դիրքավորված է՝ ապագայի կարիքները բավարարելու համար։ Աճող տնտեսական և աշխարհաքաղաքական անորոշությունը, թվային փոխակերպումը և դրա հետ կապված ռիսկերի կառավարման կարևորությունը մեզ պարտավորեցնում են ճկուն լինել», - եզրափակեց Կենտրոնական բանկի ղեկավարը։
