նախընտրելի դարձնել
Լուվրի կողոպուտի մեջ կասկածվողներից մեկը ձերբակալվել է ԴՆԹ թեստի միջոցով նրա ինքնությունը պարզելուց հետո, հաղորդում է BFMTV-ն՝ հղում անելով հետաքննությանը մոտ կանգնած աղբյուրներին։
Ընդհանուր առմամբ, երկու կասկածյալ է ձերբակալվել. մեկը՝ Շառլ դը Գոլի օդանավակայանում, երբ փորձում էր մեկնել Ալժիր, իսկ մյուսը՝ Փարիզի տարածաշրջանում, նա մտադիր էր փախչել Մալի։ Երկուսն էլ մոտ 30 տարեկան են, նրանք Փարիզի Օբերվիլիե արվարձանի բնակիչներ են։
Փարիզի դատախազ Լոր Բեկկոյի խոսքով՝ փորձագետները Լուվրից հավաքել են ավելի քան 150 ԴՆԹ-ի նմուշ, մատնահետքեր և այլ հետքեր։
Հոկտեմբերի 19-ին Լուվրում աղմկահարույց կողոպուտ է տեղի ունեցել։ Գողերը Նապոլեոնի և կայսրուհի Ժոզեֆինայի հավաքածուից գողացել են ինը զարդեր՝ թիարներ, ականջօղեր, վզնոցներ և կրծքազարդեր, որոնք պատկանել են Ֆրանսիայի թագուհիներին և կայսրուհիներին։ Զարդերից մեկը՝ կայսրուհի Եվգենի դե Մոնտիժոյի վնասված թագը, հայտնաբերվել և վերադարձվել է թանգարան։ Վնասը գնահատվում է 88 միլիոն եվրո։
