Թերթը գրում է, որ «Հայաստան» առեւտրի կենտրոնի եւ «Ամերիաբանկի» կոնֆլիկտը դեռ չի լուծվել: Հայրապետյանների փաստաբանները դատական կարգով վիճարկել են առեւտրի կենտրոնի նկատմամբ բանկի սեփականության իրավունքի ճանաչումը: «Հրապարակը» հիշեցնում է, որ խոսքը մոտ 10 միլիոն դոլարի վարկային պարտավորությունների ուշացմանն է վերաբերում: Թերթը պարզել է, թե ինչ նպատակով են Հայրապետյանները վերցրել այդ վարկը, եւ ինչպես է պատահել, որ ծաղկող բիզնեսի պարագայում չեն կարողացել վճարել վարկերը: Պարզվում է, որ Հայրապետյանները մեկ այլ գործընկերոջ հետ որոշել են Աֆրիկայում ոսկու-ադամանդի հանք գնել եւ վարկը վերցրել են այդ նպատակով: Թերթի աղբյուրը նշում է, որ հանքը Սիերա-Լեոնեում է: Բանկից վերցրած գումարը պետք է ուղղվեր այդ հանքի շահագործմանը: Հենց այդ վարկերի մարման ընթացքում էլ անցած տարվա օգոստոսից խնդիրներ են ծագել: