նախընտրելի դարձնել
Սաուդյան Արաբիայի թագաժառանգ Մոհամմեդ բին Սալմանը Թրամփի հետ երկկողմ հանդիպման ժամանակ հայտարարել է, որ իր կարծիքով Իրանը ցանկանում է գործարք կնքել Միացյալ Նահանգների հետ, ինչն, ակնհայտորեն վերաբերում է Իրանի ապամիջուկայնացման (միջուկային պատերազմի հավանականությունը նվազեցնող միջուկային զինաթափման գործընթաց, որը ներառում է միջուկային զենքի զինանոցների, դրանց կրիչների և առաքման համակարգերի կրճատում, ինչպես նաև դրանց արտադրության դադարեցում -խմբ.) մասին համաձայնագրին, հաղորդում է NBC News-ը։
«Մենք ամեն ինչ կանենք, որպեսզի օգնենք համաձայնագրի կնքմանը Ամերիկայի մնացած մասի և Իրանի միջև։ Ի դեպ, Իրանը ցանկանում է գործարք կնքել։ Կարող եմ ասել ձեզ, որ ըստ իս, նրանք շատ են ցանկանում գործարք կնքել»,- ասել է Սաուդյան Արաբիայի թագաժառանգը։
Թրամփն ասել է, որ «բաց կլինի դրա համար»։
«Վատ չէր լինի Իրանի հետ գործարք կնքել, և մենք կարող էինք դա անել պատերազմից առաջ, բայց դրանից ոչինչ չստացվեց... բայց նրանք շատ կցանկանային, այսինքն՝ նրանք կարող են ուրիշ բան ասել, բայց նրանք շատ կցանկանային գործարք կնքել»,- հավելել է ԱՄՆ նախագահը։
