ԱՄՆ նախագահ Դոնալդ Թրամփը Truth Social սոցցանցում խիստ քննադատել է Ուկրաինայի իշխանություններին և ԱՄՆ նախկին նախագահին՝ պաշտոնական Կիևին մեղադրելով ապերախտության մեջ։

«Ռուսաստանի և Ուկրաինայի միջև պատերազմը դաժան և սարսափելի պատերազմ է, որը ԱՄՆ-ի և Ուկրաինայի ուժեղ և պատշաճ ՂԵԿԱՎԱՐՄԱՆ դեպքում երբեք ՏԵՂԻ ՉԷՐ ՈՒՆԵՆԱ։ Այն սկսվել է իմ՝ երկրորդ ժամկետով պաշտոնը ստանձնելուց շատ առաջ՝ Ջո Բայդենի քնկոտ վարչակազմի օրոք, և այդ ժամանակվանից ի վեր միայն վատթարացել է։

Եթե 2020 թվականի նախագահական ընտրությունները ԿԵՂԾՎԱԾ և ԳՈՂԱՑՎԱԾ չլինեին (իսկ դա միակ բանն է, որը լավ է ստացվում արմատական ձախ դեմոկրատների մոտ), ապա Ուկրաինայի և Ռուսաստանի միջև պատերազմ չէր լինի, ինչի մասին անգամ խոսք չկար իմ նախագահության առաջին ժամկետում։ Պուտինը երբեք չէր հարձակվի։ Եվ միայն այն ժամանակ, երբ նա գործի մեջ տեսավ Քնկոտ Ջոյին, ասաց․ «Այժմ ես շանս ունեմ»։

Մնացածը պատմություն է, և այդպես շարունակվում է մինչև օրս։ ԵՍ ԺԱՌԱՆԳԵԼ ԵՄ ՄԻ ՊԱՏԵՐԱԶՄ, ՈՐԸ ՉՊԵՏՔ Է ՏԵՂԻ ՈՒՆԵՆԱՐ, ՊԱՏԵՐԱԶՄ, ՈՐՏԵՂ ՊԱՐՏՎԵԼ ԵՆ ԲՈԼՈՐԸ, ՀԱՏԿԱՊԵՍ ՄԻԼԻՈՆԱՎՈՐ ՄԱՐԴԻԿ, ՈՐՈՆՔ ԱՅԴՔԱՆ ԻԶՈՒՐ ԶՈՀՎԵԼ ԵՆ։ ՈՒԿՐԱԻՆԱԿԱՆ «ՂԵԿԱՎԱՐՈՒԹՅՈՒՆԸ» ՈՉ ՄԻ ԵՐԱԽՏԱԳԻՏՈՒԹՅՈՒՆ ՉԻ ՀԱՅՏՆԵԼ ՄԵՐ ՋԱՆՔԵՐԻ ՀԱՄԱՐ, ԻՍԿ ԵՎՐՈՊԱՆ ՇԱՐՈՒՆԱԿՈՒՄ Է ՆԱՎԹ ԳՆԵԼ ՌՈՒՍԱՍՏԱՆԻՑ։ ԱՄՆ-Ն ՇԱՐՈՒՆԱԿՈՒՄ Է ՆԱՏՕ-ԻՆ ՎԱՃԱՌԵԼ ՀՍԿԱՅԱԿԱՆ ԳՈՒՄԱՐՆԵՐԻ ԶԵՆՔ՝ ՈՒԿՐԱԻՆԱՅԻՆ ՄԱՏԱԿԱՐԱՐԵԼՈՒ ՀԱՄԱՐ (ԽԱԲԵԲԱ ՋՈՆ ԱՄԵՆ ԻՆՉ ԲԱԺԱՆՈՒՄ ԷՐ ԱՆՎՃԱՐ, ԱՆՎՃԱՐ, ԱՆՎՃԱՐ, ԱՅԴ ԹՎՈՒՄ՝ «ՄԵԾ» ՓՈՂԵՐ)։ ԹՈՂ ԱՍՏՎԱԾ ՕՐՀՆԻ ԲՈԼՈՐ ԱՅՆ ԿՅԱՆՔԵՐԸ, ՈՐՈՆՔ ԿՈՐՍՎԵԼ ԵՆ ՄԱՐԴԿԱՅԻՆ ԱՂԵՏԻ ՀԵՏԵՎԱՆՔՈՎ»,- գրել է ԱՄՆ նախագահը։