Ֆլորիդա նահանգում սկսվել է ԱՄՆ նախագահ Դոնալդ Թրամփի և նրա ուկրաինացի գործընկեր Վլադիմիր Զելենսկու հանդիպումը։

«Այսօրվա դրությամբ սա տարվա ամենաակտիվ դիվանագիտական օրերից է, և շատ բան կարող է վճռվել մինչև Ամանոր,- կիրակի Telegram-ի իր ալիքում գրել է Զելենսկին։- Կընդունվե՞ն արդյոք որոշումներ, կախված է մեր գործընկերներից՝ նրանցից, ովքեր օգնում են Ուկրաինային, և նրանցից, ովքեր ճնշում են գործադրում Ռուսաստանի վրա, որպեսզի ռուսաստանցիները զգան իրենց իսկ ագրեսիայի հետևանքները»։

Իր հերթին Թրամփը, պատասխանելով լրագրողների հարցերին, հայտարարել է, թե հույս ունի, որ հանդիպումը հիանալի կանցնի։ Ըստ ԱՄՆ նախագահի, կան գործարքի կնքման բոլոր նախադրյալները։ Նա հավելել է, որ Ուկրաինայի հակամարտության կարգավորման հարցում վերջնաժամկետներ չունի։