Նախընտրելի
Այսօր Սումգայիթի ջարդերի 38-րդ տարելիցն է, իսկ իշխանություններն այդ ֆոնին խաղաղության կոչ են անում։ Այս մասին հայտարարել է «Լուսավոր Հայաստան» կուսակցության ղեկավար Էդմոն Մարուքյանը։
«Մենք չպետք է մոռանանք Սումգայիթում հայերի նկատմամբ կատարված գազանությունները։ Մարդն ու կենդանին տարբերվում են հիշողությամբ:
Մենք պետք է հասկանանք, թե ինչ է պատահել մեզ հետ և պետք է գիտակցենք, որ այդ ամենը դեռ չի ավարտվել։ Այսօր նրանք փորձում են հայ հասարակության մտքերը գրավել խաղաղության մասին ուղերձներով։
Այսօր Սումգայիթի ջարդերի 38-րդ տարելիցն է։ Իսկ ինչի՞ վրա է կենտրոնացած հայ հանրության ուշադրությունը։ Նայեք՝ ինչ նարատիվներ են առաջ մղվում ադրբեջանական հասարակությունում և այն ամենին, ինչ տեղի է ունենում Հայաստանում։
Ոչինչ չի մոռացվել, ոչ ոք չի մոռացվել»,- ընդգծել է Էդմոն Մարուքյանը։
