ԱՄՆ Կենտրոնական հրամանատարությունը (CENTCOM) հայտարարել է, որ իրանական ուժերին չի հաջողվել խոցել USS Abraham Lincoln ավիակիրը։

«Իրանի ԻՀՊԿ-ն պնդում է, թե բալիստիկ հրթիռներով հարված է հասցրել USS Abraham Lincoln ավիակրին։ ՍՈՒՏ Է։

Ավիակիրը չի խոցվել։ Արձակված հրթիռները նույնիսկ չեն մոտեցել դրան։ Ավիակրից շարունակում են օդ բարձրանալ ինքնաթիռները՝ ի պաշտպանություն CENTCOM-ի անդադար արշավի, որն ուղղված է ամերիկացի ժողովրդի պաշտպանությանը՝ իրանական վարչակարգի կողմից բխող սպառնալիքների վերացման միջոցով»,- ասված է CENTCOM-ի հայտարարության մեջ։

Ավելի վաղ Իրանի ԻՀՊԿ-ն հայտարարել էր, որ չորս հրթիռով հարվածել է ամերիկյան ավիակրին։