«Մենք երբեք հրադադար չենք խնդրել և երբեք նույնիսկ բանակցություններ չենք խնդրել»,- CBS News-ին տված հարցազրույցում հայտարարել է Իրանի ԱԳ նախարար Աբաս Արաղչին։

Ըստ Արաղչիի, Իրանը կպաշտպանվի այնքան ժամանակ, որքան անհրաժեշտ լինի։

«Սա այն է, ինչ մենք արել ենք մինչև այժմ, և կշարունակենք անել այնքան ժամանակ, մինչև նախագահ Թրամփը չհանգի այն եզրակացության, որ սա անօրինական պատերազմ է, որում հաղթանակ չկա։ Գիտեք, մարդիկ են սպանվում միայն այն պատճառով, որ նախագահ Թրամփը ցանկանում է զվարճանալ»,- ասել է Իրանի ԱԳ նախարարը։

Նա նաև հիշեցրել է Պենտագոնի ղեկավար Փիթ Հեգսեթի հայտարարությունները, թե «խնայել չկա», ինչը, ըստ Իրանի ԱԳ նախարարի, ռազմական հանցագործություն է։

«Նույնիսկ նման հայտարարությունն արդեն ռազմական հանցագործություն է։ Այսպիսով, այս պատերազմը նախագահ Թրամփի և Միացյալ Նահանգների ընտրությունն է, և մենք պատրաստվում ենք շարունակել մեր ինքնապաշտպանությունը։ Ո՛չ, սա գոյատևման պատերազմ չէ։ Մենք, գիտեք, բավականաչափ կայուն ենք և ուժեղ։ Մենք ընդամենը պաշտպանում ենք մեր ժողովրդին ագրեսիայի այս գործողությունից։ Եվ մենք ոչ մի պատճառ չենք տեսնում ամերիկացիների հետ խոսելու համար, քանի որ նրանց հետ խոսել ենք այն ժամանակ, երբ նրանք որոշեցին հարձակվել մեզ վրա, և դա արդեն երկրորդ անգամն էր:

Ամերիկացիների հետ շփվելու լավ փորձ չունենք։ Խոսել ենք։ Այդ դեպքում ինչո՞ւ նրանք որոշեցին հարձակվել մեզ վրա։ Ուստի, ո՞րն է իմաստը, եթե մենք նորից վերադառնանք խոսակցությանը»,- հարցրել է Աբաս Արաղչին։