նախընտրելի դարձնել
Իտալիայի Անկոնա քաղաքի նավաշինարանում ջուրն է իջեցվել Viking-ի Libra-ն՝ աշխարհի առաջին ջրածնային շարժիչով ուղևորատար զբոսանավը, որը կարող է տեղավորել մոտ 1000 ուղևոր։ Այն շահագործման կհանձնվի նոյեմբերին։
Techkult-ի տվյալներով՝ չնայած իր խոստումնալից հեռանկարներին և անհերքելի առավելություններին, ջրածնային վառելիքի տեխնոլոգիան մինչ այժմ հասել է միայն ավտոմոբիլային տրանսպորտի։ Viking-ը համագործակցել է նավաշինարար Fincantieri-ի հետ՝ ջրածնային շարժիչով նավը մշակելու համար։
Viking Libra-ն 54,300 տոննա տարողությամբ ուղևորատար նավ է։ Այն հագեցած է զրոյական արտանետումներով շարժիչով, որը մասամբ աշխատում է հեղուկ ջրածնով և վառելիքային տարրերով։ Առաջադեմ տեխնոլոգիան մշակվել է Fincantieri-ի դուստր ձեռնարկությունում՝ Isotta Franschini Motori-ում։ Շարժիչը արտադրում է մոտավորապես վեց մեգավատտ։
Ջրցումը տևել է երկու օր, և Libra-ն ավելի ուշ կքարշակվի նավամատույց, որտեղ կավարտվեն ներքին հարդարման աշխատանքները։ Նավը կունենա 499 խցիկ և կտեղավորի 998 ուղևոր։ Գործարկումից հետո այն կշրջվի Միջերկրական և Հյուսիսային Եվրոպայի ծովերով։
