նախընտրելի դարձնել
Երկու մարդ ձերբակալվել է Թագավորական ՌՕՈւ բազայի (որն օգտագործել են ամերիկացի զինվորականները) մոտ, Իրանում պատերազմի դեմ բողոքների ժամանակ, տեղեկացրել է Daily Mail-ը։
Ավելի քան հարյուր մարդ այսօր առավոտյան միացել է խաղաղ ճամբարին, որպեսզի փակեն Սաֆֆոլքի Լեյքենհիթ ավիաբազայի դարպասները։ Բողոքի ակցիան հաջորդել է այն տեղեկություններին, թե ամերիկյան կործանիչը, որը խփվել էր Իրանի երկնքում ապրիլի 3-ին, թռել էր այստեղից։
Անգլիական Սաֆֆոլք կոմսության ոստիկանությունը հաստատել է, որ երկու մարդ ձերբակալվել է ընդհանուր օգտագործման խճուղում խոչընդոտներ ստեղծելու կասկածանքով՝ շաբաթ օրը շրջափակման ժամանակ։
«Լեյքենհիթում հանուն խաղաղության դաշինք»-ի կազմակերպիչ Փիթեր Լաքսը հայտնել է, որ Թագավորական ՌՕՈւ բազաները պետք է պատասխանատվություն կրեն այն բանի համար, որ թույլ են տալիս այդտեղից թռչեն ամերիկյան ինքնաթիռները։ Նա նշել է, որ վերջին շաբաթներին բողոքողները տեսել են, թե ինչպես են 116-118 ամերիկյան կործանիչ-ռմբակոծիչներ թռել բազայից։
